報名了

update一下自己的近況~~

我同呀明終於報左名 十月去日本留學了
留學呢個問題 我由二月就苦惱到四月了
幾乎晚晚訓係張床上面 就係度諗
去有咩好 唔去有咩好
其實除左錢同埋放棄咁穩定的生活
仲有怕自己去到日本 照顧不了自己
我諗唔到唔去既原因
始終我都想試下去香港以外既地方生活
見識一下 改變一下自己
唔想六七十歲 望返轉頭 後生時 除左返工放工
搵錢使錢 其他回憶都冇
錢 幾時都可以搵返 工作 仲有幾十年等住我做
但又或者 我返到黎 身邊同年的朋友
不是升職加薪 便是置業結婚生子
我仲要再搵新工 從頭開始儲錢
但這都是我的選擇

報了三峰日本語學校
宿舍就未決定
暫時諗住去半年 去到至再決定讀唔讀一年
朋友說我很有錢 唉 真係有苦自己知啦
原來我連一年費用都唔夠俾
所以唯有讀半年 又唔想開口問家人借錢
結算一下 原來呢一兩年我的儲蓄沒有大增長
都唔知平時咁慳為乜
所以唔好再話我有錢了
我只係捨得花在一些我認為值得的東西上
一句講晒 我依家超級窮!!!!!!!(大叫)
我要發窮惡呀 (咆哮)



講返報名進度
真係幾麻煩的
又唔俾寫錯 又要作篇留學原因
又要經濟擔保人的銀行信及公司信
又由於我不足六歲入讀小學
仲要求我提供小學證明 (呢個仲未搵到...)
5月14日是最後期限 交齊所有文件
再填多次張表格 便會寄去日本了
大約八月才知道取錄結果
然後就會很忙碌 又要搞簽證等等
依家報晒名 個心又定晒
之前真係十五十六架

本來諗住準時放工 去日經交form
點知等呀等 等到七點幾個同事至痾到個2篇野俾我
我呢 就只係左手交右手咁 叫個同事擺上網
公司d 人差不多走晒 所以影下相



搞掂晒都差不多七點幾八點
即刻搵返明仔 (sorry, 要你等左個幾鐘)
去日經交form
之後去左harbour city 既suzuki cafe
對住個維港 好靚

Day 7 11 April 2008

Last Day
最後一天去了名古屋
又是逛逛街吧
終於找到RPS這間店
是很平的衫鋪 又買了幾件 (幫姐姐買的)

去了一條拉面街 有很多日本不同區份的拉面
我們選擇扎晃拉面

三點幾四點 便出發去機場
2008年大阪之旅正式完結

後記。
我今次旅行的戰利品

Day 6 - 10 April 2008

一早起身 去了和歌山城


和歌山原來沒有其他旅遊景點
所以十一點幾就開始返大阪
忘了哪一間百貨公司 吃了燒肉
下面是明仔點的 很好吃
我個份平d 相對就普通一點

然後又是逛街
晚上去了道頓崛吃燒餅及章魚丸



第六日。完。

Day 5 10 Apr 2008

第五天 由於酒店太太太貴了

所以繼續以大篇幅來描述一下

除了房間好大 好新 望海

酒店還有很多不同style 既溫泉

靜靜偷影的

溫泉外的休息室有凍水和無窮無盡既雪條供應!!!

~~~ 係~~ 角十棒呀!!!! 中學年代 我媽經常買角十棒俾我地食架

一盒十條 夏天食~~一流!!

由於浸完溫泉太熱 又由於太愛吃角十棒...

我係酒店已經食左三、四條

食緊一條 仲可以塞一條入個籃仔(見圖) 返上房慢慢嘆

這就是我的早餐

要說明一下 這是我一個人的早餐 再白飯任裝

明仔係有另一份同樣的

(hehe 因為有朋友誤會前幾日既餐係二人量啦

其實唔係啦 係有2份相同既 我冇影晒2 份啫

特別係酒店既餐 我只影自己個set 野, 因為兩個人既set 都係一樣

所以冇特別影埋對面明仔個份)

呢間咁靚既酒店就係叫海舟

之後去左千疊敷

好似以前中學 geog 堂出field trip 咁..

然後去左平草原

又係開滿櫻花

日本人好悠閒地賞櫻

你地估 有幾多個香港人會野餐賞花??

再去三段壁

其實係睇潮既...

遇到個職員 係中國人 講普通話的

心諗第時我係咪咁呢?

呢度好滑架 因住pk 呀! (哈)

至後就辛苦了 由於plan 定去睇那智神社

不理路程有幾遠 雨有多大 jar左約三個幾鐘車

終於到達那智神社

世界遺跡

那智暴布

當時下很大雨 又要行幾多級的石級

很危險 也很辛苦

睇完那智暴布 四點幾

便準備去下一站 ---和歌山的酒店

由那智去和歌山至少要四個小時

綿綿不絕的窄山路 加上超級滂沱大雨

天又越來越黑

就算多累 也不敢睡著 不時和明仔傾下偈

因為我很怕司機呀明恰著呀!!!!!!!!

懷疑穿過了廿幾個山頭 才上到高速公路

在日本 無論是山路 還是高速 都是很黑的

很遠才有一枝街燈 香港真是好幾百萬倍

去到酒店已經九點幾了....

很後悔plan 了去和歌山

原來和歌山 除了和歌山城 便沒有其他景點了

第五天。完。

Day 4 - Kyoto - Nara - 白濱

第四天 一早起身吃早餐

見天氣不錯 便立即去圓山公園再看巨櫻

真的很大棵呀 @.@

然去再去白川 我超喜歡這裡!

如果可以踩單車 很寫意

然後坐巴士 去了渡月橋 也開滿櫻花了

很羡慕日本有這麼多公園 還有很多街邊小吃 又可以賞櫻

接著去了竹林深處人家

離開京都 乘 jr 去奈良看鹿

單這樣看 是不是很可愛呢

但我們買了餅 想餵牠們吃時.... 就很恐怖了

根本是搶食物 本來想引牠們拍照留念 但搶食物搶得太狠死了

怕怕~~~

覺得奈良不什麼吸引 .... 被這些鹿欺騙了

然後租車 明仔駕車駕了大約兩個多小時

才去到白濱

訂酒店時包了刺身餐 ~~~ 很好吃

(不過也很懷念熱騰騰的中國餐)

由於這晚酒店太太太太貴貴貴貴了

忍不住詳細介紹一下

和洋室 超大 面向汪洋大海

還有不同大大小小溫泉任浸! (但沒有照片)

超relax....

第四日。完。

Day 3 Kyoto

一日去京都，點知個日全日落雨
所以多數影景冇影人 天氣差影相都唔靚

第一站 清水寺

櫻花比我想像中少 但都全開滿
實景冇咁靚 反而返到hk 睇返相又幾靚喎



係清水寺下面食lunch 叫了月見烏冬和豆腐鍋
超好食 (可能飢寒交迫...)



第二站 二年阪 三年阪



一條好多小店既街 好多好多我很喜歡既精緻擺設
很想統統買回香港
哈 我地以前不會邊行邊食的
但今年忍不住了 一見到什麼抺茶、櫻花限定小食
便想試試 超好食


第三站 白川
因為太大雨了 又累又凍
於是去酒店安頓好 酒店負責人介紹我們去白川
說有很多櫻花 很美的
白川並不是最美麗的第七天的白川鄉呀
但真的很美! 今次旅行印象最深便是這裡，
喜歡粉紅櫻花加翠綠垂楊的配搭




第四站 哲學之道


簡直進入粉紅櫻花世界
開滿櫻花的哲學之道只有粉紅色!
抬頭一望都只有櫻花
真係睇到眼盲
可惜太大雨 否則影相會更美

第五站 河原町
(現在才發覺一日竟然去了那麼多地方!)
河原町是京都市中心 有很多百貨公司
我痴線地買了三對鞋 雖然好靚好舒服
但回到香港收到月結單 真是超肉痛

第六站 福住
福住是我地京都入住的酒店
在樂天book 時 我要了櫻花限定plan
回到酒店 浸了溫泉
便等候櫻花料理
不得不佩服日本人的心思
每道料理都加入了櫻花 吃得很開心
令人不捨得吃掉 很懷念呀



最終站 圓山公園

吃飽便去附近的圓山公園看夜櫻
幸好雨停了
圓山公園那棵可說是巨櫻!
為何櫻花可以那麼巨型的???



回到酒店 已經為我們鋪好床舖
還送了一隻千鳥鶴 祝一路平安 很細心



第三日。完。

Day 2 - Osaka

第二日是shopping日

晨早去了mcdonald吃早餐

大阪市中心的櫻花也看滿了

去了大阪、心斎橋、崛江

我沒有大收獲

反而明仔買了不少

夜晚返去梅田hep five 食dinner

咖喱飯! 普普通通

第二日。完。