咁大個女都未試過.... 係街度PK.... 係仆到扒街!
今日放工搭278X返屋企, 到站落車, 落到最後一級(舊巴士有2級樓梯既)
隻鞋好似CLICK住左...我又不為意,繼續落車....
點知就成個人飛左出車,仆左係地
個一刻覺得飛左好遠咁... (事實上我由車上仆落車站又真係好遠)
真係好似做戲, 下巴, 2個手掌同埋膝頭都仆落地先.....總之就成個人訓左係石屎地度啦
好彩著左褲, 本來仲諗住著裙架....著裙就不堪設想了
超痛... 又瘀....急急腳就走左....
點知越行越痛, 以為2個膝頭都流血, 返到屋企睇下, 好彩冇損到
但紅左腫左咁, 依家就開始呈藍紫色....
一句講晒, 好瘀囉
依家諗返, 都唔知咩事, 究竟點解會PK呢?
沒有留言:
張貼留言